உலகில் அமெரிக்கா, பிரிட்டன் போன்ற வல்லரசு நாடுகள் உட்பட 195 நாடுகளில் வாக்குச்சீட்டில் தான் தேர்தல் நடக்கிறது. ஜெர்மனி, அயர்லாந்து, நெதர்லாந்து போன்ற நாடுகளில் EVM-ன் Software (Source Code)-ஐ பயன்படுத்தி முறைகேடு செய்ய முடியும் என்பது நிரூபிக்கப்பட்டு அங்கு EVM-கள் தடை செய்யப்பட்டன. சமீபத்தில் இதே காரணத்தால் இந்தியாவில் இருந்து EVM-களை வாங்கி பயன்படுத்திய நம் அண்டை நாடான பங்களாதேஷில் EVM-கள் தடை செய்யப்பட்டு வாக்குச்சீட்டு முறை கொண்டு வரப்பட்டுள்ளது. நம் நாட்டில் EVM-ன் மூளையாக செயல்படும் மென்பொருள்/Software (Source Code)-பற்றிய விவரங்கள் வெளிப்படையாக தெரிவிக்கப்படவில்லை. அனைத்தும் மூடு மந்திரமாகவே உள்ளன. RTI மூலம் கேட்கப்பட்ட கேள்விக்கு இந்திய தேர்தல் ஆணையம் EVM-களின் Source Code தங்களுக்கு தெரியாது என பதில் அளித்துள்ளது. Software (Source Code)-ஐ பயன்படுத்தி ஒரு வேட்பாளருக்கு விழும் வாக்குகளை வேறு ஒரு வேட்பாளருக்கு மாற்ற முடியும். இந்த முறையிலேயே நம் நாட்டில் EVM முறைகேடுகள் நடக்கின்றன. Software (Source Code)-ஐ பயன்படுத்தி EVM-ல் மோசடி செய்ய முடியும் என்பதை நாங்கள் உருவாக்கியுள்ள மாடல் EVM மெஷின் மூலம் டெமோ செய்து காட்டியுள்ளோம்.

EVM வாக்கு எந்திரத்தில் மோசடி செய்து மக்களின் ஓட்டுகளை திருட முடியும் என்பதற்கு பல ஆதாரங்கள் உள்ளன. EVM மோசடி வடநாட்டில் மட்டுமல்ல, தமிழ்நாட்டிலும் தொடர்ந்து நடக்கிறது. பாராளுமன்றத் தேர்தல், சட்டமன்றத் தேர்தல், உள்ளாட்சி தேர்தல் என EVM-ஐ பயன்படுத்தி நடக்கும் எல்லா தேர்தல்களிலும் EVM மோசடி நடக்கிறது. இதற்கு பல ஆதாரங்கள் உள்ளன. உதாரணமாக கடந்த 2022-பிப்ரவரியில் தமிழ்நாட்டில் மாநகராட்சிகள், நகராட்சிகள் மற்றும் பேரூராட்சி மன்றங்களின் மக்கள் பிரதிநிதிகளை தேர்ந்தெடுப்பதற்கான நகர்ப்புற உள்ளாட்சித் தேர்தலில் மிகப்பெரும் அளவில் EVM ஓட்டு திருட்டு நடந்துள்ளது. தமிழ்நாடு மாநில தேர்தல் ஆணையம் இத்தேர்தலை நடத்தியது. இந்த தேர்தலில் தமிழ்நாடு முழுவதும் போட்டியிட்ட வேட்பாளர்களில் 173 வேட்பாளர்களுக்கு EVM எந்திரத்தில் 0(பூஜ்யம்) வாக்கு பதிவாகியுள்ளது.கன்னியாகுமரி மாவட்டத்தில் 8 வேட்பாளர்களுக்கு பூஜ்யம் வாக்கு பதிவாகியுள்ளது. இந்த ஆதாரங்களை சுப்ரீம் கோர்ட் மற்றும் இந்திய தேர்தல் ஆணையத்தில் நேரடியாக கொடுத்துள்ளோம். அந்த விவரங்களை பின்வருமாறு அளித்துள்ளோம்.

வேட்பாளர்களுக்கு 0 வாக்கு பதிவாகியுள்ளது எப்படி? இந்த வேட்பாளர்கள் தங்கள் ஓட்டை தங்களுக்கு போட்டிருக்க மாட்டார்களா? இவர்களது குடும்ப உறுப்பினர்கள், உறவினர்கள், இவர்கள் சார்ந்த கட்சியினர் இந்த வேட்பாளர்களுக்கு ஓட்டு போட்டிருக்க மாட்டார்களா? இந்த ஓட்டுகள் எல்லாம் மாயமானது எப்படி? இப்படி பல கேள்விகளும் சந்தேகங்களும் எழுகின்றன. இதற்கு தேர்தல் ஆணையம் எந்த பதிலும் சொல்ல மறுக்கிறது. கன்னியாகுமரி மட்டுமல்ல அரியலூர், செங்கல்பட்டு, கோவை, கடலூர், திண்டுக்கல், தர்மபுரி, கரூர், கிருஷ்ணகிரி, கள்ளக்குறிச்சி, காஞ்சிபுரம், மதுரை, மயிலாடுதுறை, நாகப்பட்டினம், நாமக்கல், புதுக்கோட்டை, ராமநாதபுரம், ராணிப்பேட்டை, சேலம், சிவகங்கை, தேனி, தென்காசி, திருவள்ளூர், தஞ்சாவூர், திருநெல்வேலி, திருப்பத்தூர், திருப்பூர், திருச்சி, தூத்துக்குடி, திருவண்ணாமலை, திருவாரூர், விருதுநகர், விழுப்புரம் என 33 மாவட்டங்களில் நடந்த நகர்ப்புற உள்ளாட்சி தேர்தலில் இவ்வாறு 0 வாக்கு பதிவாகியுள்ளது. இவ்வாறு 0 வாக்கு பதிவாகியுள்ள வேட்பாளர்களில்.. அதிமுக-3, அமமுக-34, நாம் தமிழர்-22, பாமக-14, தேமுதிக-8, பாஜக-6, காங்கிரஸ்-2, மநீம-2, சமக-2, மதிமுக-1, CPI(M)-1, CPI(ML)Liberation-1 ஆகிய அரசியல் கட்சிகளை சார்ந்தவர்கள் 96 பேர். இவர்கள் தவிர 77 சுயேச்சை வேட்பாளர்களுக்கும் 0 பூஜ்யம் வாக்கு பதிவாகியுள்ளது. நகர்ப்புற வார்டு தேர்தலிலேயே EVM எந்திரத்தில் இப்படி ஓட்டுகளை திருடுகிறார்கள் என்றால் பாராளுமன்ற, சட்டமன்ற தேர்தலில் எந்த அளவுக்கு திருடுவார்கள்? இப்படி மக்களின் ஓட்டுரிமையை மெஷின் மூலம் மோசடியாக திருடுவதை எப்படி ஏற்க முடியும்? மக்களின் ஓட்டுரிமையே பறிபோய்விட்டால் வேறு என்ன உரிமை மிஞ்சும்? EVM-ஐ தடை செய்து வாக்குச்சீட்டில் நியாயமாக தேர்தல் நடந்து உண்மையிலேயே மக்கள் ஆதரவு பெற்ற பிரதிநிதிகள் அதிகாரத்துக்கு வந்தால் மட்டுமே நாட்டில் மக்களுக்கான ஆட்சி உருவாகும்.

Loading.. Please Wait..